Kasunod ng pagbwelta ng ina ni James Yap, inihayag ngayon ng isa Aquino sisters na si Viel Aquino-Dee na hindi rin pabor ang kanilang kampo sa pagpapakasal ng kanilang bunsong si Kris Aquino kay James Yap.

Ayon kay Viel, hindi sila sang-ayon dahil sa age gap ng dalawa ngunit wala na rin daw silang magagawa dahil nangyari na.

Matatandaang inihayag ni Kris na balewala sa kanya noon ang agwat ng edad nila ni James dahil inlove siya noong mga panahong iyon.

Dagdag pa ni Viel, maysadong naging mabilis ang ligawan stage nina Kris at James.

Sa kabila nito, nauunawaan naman daw ng kapatid ni Kris ang pagdepensa ng ina ni James na si Annie Yap.

Kung maaalala, sinabi ni Mommy Annie na hindi dapat isisi lahat ni Kris ang lahat kay James dahil ang Panginoon lamang daw ang perpekto sa mundo.

Inamin din ni ginang Yap na nalungkot at nasaktan siya sa mga pahayag ni Kris kaugnay ng pakikipghiwalay sa ama ni Baby James.