Kontento na ngayon ang sexy actress na si Krista Ranillo sa kanyang bagong love life sa Amerika.

"Yes, I'm in a relationship. I'm not pregnant! I gained weight kasi ang sarap-sarap kumain," natatawang pahayag ng anak ni Matt Ranillo III.

Bagama't tumanggi ang aktres na isapubliko ang pangalan ng bagong kasintahan, inamin nitong childhood friend niya ito noon.

"He's a professional, successful, businessman. Mabait. Private person," kinikilig na paglalarawan ni Krista.

Una rito, naging kontrobersyal ang aktres matapos ma-link ng husto ang pangalan kay pound-for-pound king Manny Pacquiao.

Samantala, inamin ni Krista na enjoy siya sa kanyang buhay ngayon dahil marami umano siyang pinagkakaabalahan.

Kuwento pa ng sexy actress, sinunggaban niya ang 3 weeks course sa US na pag-aaral kung paano mag-make up.

Nilinaw din nito na hindi siya nagtatago sa mga intriga at nasa Amerika siya dahil doon nakabase lahat ng kanyang pamilya.

"Hindi mo talaga hawak ang public perception pero kung dididbin mo, hindi ka magiging masayang tao. Sa buhay, cliche, pero hindi ka bibigyan ng hindi mo kaya," ani Krista.