You are here: HomeRegional NewsIlocanoPulis, nabakal iti bato ti matana babaen iti grupo dagiti aggiinom

Pulis, nabakal iti bato ti matana babaen iti grupo dagiti aggiinom

By  Bombo Laoag Posted in Ilocano Thursday, 04 July 2013 17:01

LAOAG CITY – Nabakal iti bato ti kannawan a mata ti maysa a pulis kabayatan a mangisaysayangkat iti anti-drug surveillance idiay Poblacion, Nueva Era Ilocos Norte.

 

Nabigbig ti biktima a ni PO1 Ronald Pastor, miembro ti PNP-Nueva Era.

 

Kuna ni S/Insp. Fritz Tabola, chief of police ti Nueva Era, kinadua ni PO1 Pastor a mangisaysayangkat ti surveillance ni PO1 Stephen Aldiosa idi malabsan da ti maysa a grupo dagiti lallaki nga aggiinom.

 

Bigla lattan a binato ti agnagan Jun Vincent Peralta da Pastor ken Aldiosa a nakatamaan ti kannawan a mata ni PO1 Pastor.

 

Idi mapan sitaen dagiti pulis ni Peralta ket nakiinnagaw iti paltog ni PO1 Pastor.

 

Gapu iti daytoy, aksidente a pimmutok ti paltog ket natamaan ti kannigid a luppo ken saka na.

Read 327 times

Contact Us

  • Address: 2406 Nobel corner Edison Streets, Makati City Philippines
  • Tel: +(632) 843 0116
  • Fax: +(632) 843 0116
  • Email:  This email address is being protected from spambots. You need JavaScript enabled to view it.