You are here: HomeRegional NewsIlocanoDagiti suspek iti pannakapapatay ti dua a babbai, naibaluden; mastermind nabigbigen

Dagiti suspek iti pannakapapatay ti dua a babbai, naibaluden; mastermind nabigbigen

By  Bombo Laoag Posted in Ilocano Sunday, 09 June 2013 18:11

LAOAG CITY – Balligi a nasolbar ti PNP iti Vintar, Ilocos Norte ti nagsaruno a pannakapaltog ti dua a babbai iti nasao nga ili a rason ti nakatayan dagiti biktima.

 

Segun kenni C/Insp. Jaine Quiocho, chief of police ti PNP Vintar, gapu ti pannakapapatay ti biktima a ni Pacita Foronda ket natiliw dagiti suspek nga isuda Odilon Pindao, Mary Ann Noriega, Ronie Rebullido kenni Ronnie Langgaman.

 

Iti naiwayat a naiget nga imbestigasyun ti pulisya, naduktalan a ti immuna a biktima a ni Nida Poleracio ket napagriruan da laeng wenno "mistaken identity" gapu ta ti pudno a target dagiti suspek ket ti bakbaket a ni Foronda.

 

Gapu iti daytoy ket sinublianan dagiti suspek ti pudno a target ngem daytoy metten ti nangitunda ti pannakatiliw da.

 

Segun pay iti hepe ti pulisya, naduktalan a ti motibo ti pannakapatay ni Foronda ket gapu ta atapen ti maysa kadagiti suspek a ni Noriega nga daytoy ti nabayagen a mangkulkulamkenkuana.

 

Dagiti suspek ket dagus a naipisuk iti Ilocos Norte Provincial Jail kalpasan a napilaan da ti tumutop a kaso.

Read 686 times

Contact Us

  • Address: 2406 Nobel corner Edison Streets, Makati City Philippines
  • Tel: +(632) 843 0116
  • Fax: +(632) 843 0116
  • Email:  This email address is being protected from spambots. You need JavaScript enabled to view it.