CENTRAL MINDANAO-Binawian ng buhay ang isang lalaki at nakaligtas ang kanyang live-in partner sa pamamaril sa lalawigan ng Sultan Kudarat.
Nakilala ang biktima na si Jayson Garcia,23 anyos,binata at residente ng Barangay Tomiao Lambayong Sultan Kudarat.
Ayon sa ulat ng Lambayong Municipal Police Station (MPS) na lulan ang biktima sa kanyang motorsiklo at angkas ang kanyang live-in partner galing sa Tacurong City na bumili ng gamot at papauwi na sa kanilang tahanan.
Ngunit pagsapit ng dalawa at papaliko na sa Barangay Maligaya sa bayan ng Lambayong ay bigla silang dinikitan ng riding in tandem suspects kung saan pinagbabaril sila gamit ang kalibre.45 na pistola.
Mabilis namang tumakas ang mga suspek patungo sa direksyon ng Tacurong City.
Patay on the spot si Garcia na tinamaan sa ulo at likod habang nakaligtas afng kanyang live-in partner.
Personal na alitan ang natatanaw na motibo ng mga otoridad sa pamamaril patay sa biktima.
