1 patay 1 sugatan matapos mabangga ng motorsiklo ang aso

ROXAS CITY – Patay ang backrider habang sugatan ang driver ng motorsiklo matapos aksidenteng mabangga ng motorsiklo ang isang aso sa President Roxas, Capiz.

Kinilala ang napatay kay Luzviminda Dais 40 na nagtamo ng patal na sugat sa katawan habang patuloy na ginagamot sa ospital ang driver na si Roberto Bantaculo 71 ng Barangay Cabungahan, Maayon, Capiz.

Base sa imbestigasyon ng President Roxas PNP binabaybay ng mga biktima ang kalsada sakay sa motorsiklo ng aksidente na nabundol ang aso dahilan para mawalan ng kontrol sa manibela ang driver na si Bantaculo.

Dahil sa impact, natumba ang motorsiklo at tumilapon sa kalsada ang mga biktima.

Dinala pa ang mga biktima sa ospital ngunit idineklarang dead on arrival ng attending physician si Dais.