1 patay, 1 sugatan matapos mahit-and-run ng isang pick-up vehicle

ROXAS CITY – Isa ang patay, isa ang sugatan matapos mabiktima ng hit-and-run sa Barangay Poblacion Ilaya, Dumarao, Capiz.

Kinilala ang mga biktima na sina Jerfel Pagayon, 34, ng Barangay Bungsuan, Dumarao at Cristito Bedia, 48, ng Barangay Poblacion Ilawod, Dumarao, Capiz.

Base sa inisyal na impormasyon na nakuha ng Bombo Radyo, naglalakad lamang umano sa gilid ng kalsada ang mga biktima ng biglang nabangga ng pick-up na sasakyan na minamaneho ng hindi pa nakikilalang driver.

Sa halip na huminto ay kumaripas lamang ang naturang sasakyan na may plate number na 1301-01.

Kaagad na dinala sa ospital ang mga biktima ngunit idineklarang dead on arrival si Pagayon.

Patuloy naman na ginagamot ngayon sa ospital si Bedia.