ILOILO CITY – Patay ang isang pedicab driver matapos saksakin ng kapwa pedicab driver sa Poblacion East, bayan ng Oton, Iloilo.
Ang biktima ay kinilalang si Mharbert Santander, residente ng nasabing lugar.
Sa panayam ng Bombo Radyo kay alyas Joe, saksi sa nasabing insidente, sinabi nito na nakita niyang may dalang patalim si Lotlot Custodio na siyang suspek sa krimen.
Ayon sa kanya, nagkausap pa ang biktima at ang suspek bago nangyari ang pananaksak.
Dagdag pa ni alyas Joe na tumawag agad siya ng ambulansya ng nakitang nakahandusay na sa daan si Santander na nagtamo ng sugat sa kanyang didbdib na siyang dahilan ng kanyang pagkamatay.
Samantala, sugatan rin ang isa pang pedicab driver matapos sinaksak rin ng suspek.
Napag-alaman na matagal nang may alitan at hindi pagkakaunawaan ang suspek at mga biktima.
Sa ngayon nakakulong na ang suspek at nahaharap sa kasong homicide at frustrated homicide.
