-- Advertisements --
NAGA CITY – Patay ang isang katao habang sugatan naman ang isa pa sa banggaan ng truck at tricycle sa Brgy. San Vicente, Goa, Camarines Sur.
Kinilala ang namatay na si Junior Caballero habang sugatan naman si Mark Anthony Olos.
Sa nakalap na impormasyon ng Bombo Radyo Naga sa Camarines Sur Police Provincial Office, nabatid na habang tinatahak ng dalawa ang magkaibang direksyon ng parehong nawalan ng kontrol sa mga minamanehong sasakyan.
Agad namang isinugod sa pinakamalapit na ospital ang mga biktima ngunit idinekalarang dead on arrival si Caballero na driver ng tricycle habang nagpapagaling pa si Olos.
Sa ngayon nagpapatuloy pa ang imbestigasyon ng mga otoridad hinggil sa nasabing aksidente.
