1 PATAY 2 SUGATAN MATAPOS MAKURYENTE SA CAPIZ
Unread post by bomboroxas » Fri Jul 21, 2023 4:50 pm
ROXAS CITY – Isa ang patay habang dalawa ang patuloy na ginagamot sa ospital matapos nakuryente sa Barangay Maantol, Jamindan, Capiz.
Kinilala ang namatay na si Gene Isidoro 40-anyos at ang dalawang nagtamo ng nga paso sa kamay at katawan na kasalukuyang nasa ospital ay kinilalang sina Russel Vipinoso 41-anyos at isang menor de edad, pawang mga residente ng nasabing barangay.
Sa panayam ng Bombo Radyo Roxas kay PLT. JObert DeLos Reyes, Chief of Police ng Jamindan PNP, sinabi nito na nangyari ang insedente kahapon matapos pinutol ni Isidoro ang kuryente sa bahay ni Vipinosa sa pag-akalang hindi naka-konekta sa poste ang kable nito.
Ngunit sa hindi inaasahan ay aksidenteng nasagi ang live wire.
Tinangkang tulungan ni Vipinosa si Isidoro sa pamamagitan ng paghila ng buhok nito ngunit tumilapon ito.
Tumilapon din ang menor de edad na anak ni Vipinosa na nagtangkang tulungan ang ama.
Nasa punerarya na ngayon ang bangkay ni Isidoro habang nilalapatan ng lunas sa oapital ang natamong mga paso sa katawan ng mag-amang Vipinosa.
