CAUAYAN CITY – Nasawi ang isa sa apat na sakay ng tricycle makaraang mabunggo ang SUV sa Brgy. Bugallon Proper, Ramon, Isabela.
Ang namatay ay kinilalang si Bernardo Miguel, habang nasugatan din ang apat pang sakay ng tricycle na sina Larry Ballao, tricycle driver; Anselmo Ballao at Antonio Lucena, pawang residente ng Barangay San Antonio sa nasabing bayan.
Ang drayber naman ng Nissan Navara ay natukoy na si Darwin Rivera ng Calao West, Santiago City.
Sa nakuhang impormasyon ng Bombo Radyo Cauayan, parehong binabagtas ng SUV at tricycle ang magkasalungat na direksyon.
Nang makarating sa pinangyarihan ng aksidente ay mag-o-overtake sana ang SUV ngunit hindi nito napansin ang paparating na tricycle kaya nagbanggaan ang dalawang sasakyan na nagresulta ng pagkasawi ni Miguel at pagkasugat ng apat na iba pa.
