1 patay 5 sugatan sa bumaliktad na trak sa Arakan Cotabato

CENTRAL MINDANAO-Binawian ng buhay ang isa katao sa vehicular crash sa probinsya ng Cotabato.

Nakilala ang nasawi na si Thunder Mangalos na residente ng Arakan Cotabato.

Ayon sa ulat ng Arakan PNP ay bigla nawalan ng preno ang fuso truck na may kargang crates ng saging at bumulusok sa malalim na bahagi ng kalsada.

Agad binawian ng buhay si Mangalos nang maipit sa bumaliktad na trak habang lima ang nasugatan na agad dinala sa pagamutan.

Paalala ng LGU-Arakan sa mga nagmamaneho na mag-ingat at siguraduhing kondisyon ang sasakyan.