GENERAL SANTOS CITY – Isa ang patay samantalang pito ang sugatan sa nangyaring vehicular accident sa Nagpan, Malungon, Sarangani province.
Sa imbestigasyon, nanggaling sa Gensan ang Mitsubishi elf truck na mayroong plate number WEV 609 at papunta sa Kiblawan, Davao Del Sur.
Pagdating sa pababang parte ng Nagpan, nawalan ng preno at nayupi ang gulong ng sasakyan matapos na iniwasan ang kasalubong na sasakyan kayan naman bumaliktad ito.
Napag-alaman na karga sa elf ang construction materials at ang ibang biktima ang nakasakay sa likod ng truck.
Dead on arrival si Danny Rosales, 34, foreman na taga-Mabuhay sa lungsod samantalang sugatan sina Roldan Rosales, 28, ng Mabuhay; Tani Desierto, 49, ng San Isidro, Gensan; Candelario Rosales, 31; Angelito Bigus, 31; minor injuries naman ang nakuha nina Roy Loquas, 19, ng Mabuhay; Rosierto Ponteres, 59, ng Bula; John Mark Vicente, 25, na taga-Sultan Kudarat at Leonardo Borbon Jr, driver mula Zamboanga.
Patuloy pang iniimbestigahan ang naturang pangyayari.
