BUTUAN CITY – Isa ang patay habang isa pa ang sugatan matapos mahulog sa tinatayang 30-talampakang lalim na bangin malapit sa Delta Discovery Park sa Purok 7, Brgy. Bonbon nitong lungsod ang kanilang sinakyang habal-habal o de-pasaherong motorsiklo.
Kinilala ni Nongnong Brgy. Captain Wilfredo Membrillos ang namatay na si Marjun Sabuero, may asawa, residente ng Purok 8 ng kanilang barangay habang ang sugatan ay nakilalang si Eroy Berdera, 30-anyos, driver at residente ng Purok 2 ng natura ring barangay.
Sa eksklusibong panayam ng Bombo Radyo Butuan, inihayag ni Kapitan Membrillos na kargado ng kahoy na pang-poste ang nasabing habal-habal nngg ito’y pababa na ngunit sumabit sa puno ng kahoy ang manibela nito at nagtuloy-tuloy na sa bangin.
Dahil hindi matindi ang natamong injury ni Berdera kung kaya’t muli itong umakyat at ipinagbigay-alam ang kanilang naranasan kungsaan isinalaysay nito na na-flat umano ang ulo ni Sabuero na siya nitong ikinamatay.
