CENTRAL MINDANAO-Binawian ng buhay ang isang magsasaka at isa ang nasugatan sa pamamaril sa lalawigan ng Sultan Kudarat.
Nakilala ang nasawi na si Marjohn Corpuz Valdez,32 anyos at sugatan ang kanyang kapatid na si Wardelson Corpuz Valdez,52,mga residente ng Barangay Poblacion President Quirino Sultan Kudarat.
Ayon sa ulat ng pulisya na sakay ang magkapatid ng kuliglig sa national higway ng bayan ng President Quirino ng bigla silang dikitan ng riding in tandem suspects at pinagbabaril gamit ang kalibre.45 na pistola.
Mabilis namang tumakas ang mga suspek patungo sa direksyon ng Tacurong City.
Agad dinala ang mga biktima sa pagamutan ngunit binawian ng buhay si Marjohn Valdez.
Sa ngayon ay nagpapatuloy ang imbestigasyon ng President Quirino MPS sa pamamaril sa magkapatid.
