KORONADAL CITY – Nagpapatuloy ang imbestigasyon ng pulisya sa nangyaring pamamaril sa isang tribal wedding proposal rites sa Sitio Malnog, Barangay Magsaysay, Polomolok, South Cotabato.
Kinilala ang nasawi na si Elezar Mahilum, 42-anyos na residente ng nabanggit na lugar habang sugatan naman ang isang menor de edad na agad dinala sa ospital.
Ayon sa report, habang nagsasagawa ng isang tribal wedding proposal rites ang mga residente sa lugar ay biglang sumalakay ang hindi pa nakilalang suspek at namaril.
Tinamaan si Mahilum sa ibat-ibang bahagi ng kanyang katawan na nagresulta sa pagkamatay nito habang isinugod naman sa ospital ang menor de edad.
Inaalam pa ng pulisya kung ano ang motibo ng suspek sa pamamaril.
Samantala, nagpapatuloy rin ang paghahanap sa suspek.
