LA UNION – Dead-on-arrival sa Caba Disrtict Hospital ang isang motorcycle rider matapos sumalpok ang sinakyan nitong motorsiklo sa isang isuzu truck, sa national highway sa Barangay Gana, Caba, La Union.
Ang biktima ay nakilalang si Edwin Laciapag, 23, binata, residente ng Barangay Sta Lucia, Aringay, La Union.
Habang ang truck driver ay nakilala sa pangalang Salvador Vizcara, 35, may asawa, at residente ng Barangay Sapang Central East, Bauang, La Union.
Base sa report, bumangga umano ang northbound na motorsiklo sa rear left portion ng southbound truck habang nasa proseso ito patungo sa national highway.
Sa lakas ng impact ng pagkabangga ng motorsiklo sa truck, tumilapon ang biktima at nagtamo ng matinding head injury, na dahilan ng agaran nitong pagkamatay, ayon sa attending physician.
Samantala, hindi naman nasaktan ang truck driver na nasa custodiya ngayon ng Bauang Police Station.
Posibleng sampahan ngayong araw ang respondent driver ng kasong Reckless Imprudence Resulting to Homicide.
