VIGAN CITY – Patay ang isang lalaki sa pagkakabangga ng sinakyan nitong motorsiklo sa isang Toyota Fortuner at Hyundai Accent sa national highway ng Brgy. Sinabaan, Bantay, Ilocos Sur kaninang ala-1:20 ng hapon.
Sa impormasyong nakalap ng Bombo Radyo Vigan, tinatahak umano ng biktimang si Rexy Anicoche na nakasakay sa isang Euro motorcycle ang pakanlurang direksyon ng nasabing kalsada nang bigla na lamang inagaw ng Fortuner na minaneho ni Geroldo Batalon ang linya nito kaya naganap ang banggaan.
Pagkatapos umanong mabangga ng motorsiklo sa Fortuner, sinalpok pa ito ng nakasunod sa kaniya na Hyundai accent na minaneho ni John Pepito Sy III.
Naitakbo sa Metro Vigan Cooperative Hospital si Anicoche ngunit naideklerang dead on arrival samantalang ang dalawa pang driver ay hindi naman nagtamo ng kahit anong galos o sugat sa katawan.
Sa ngayon, iniimbestigahan pa ng mga otoridad ang nasabing aksidente.
