CEBU – Sampung police station commander sa lalawigan ng Cebu ang ipinatawag dahil sa kanilang mahinang pagganap sa kampanya laban sa iligal na droga, iligal na sugal, at iba pang kampanya laban sa kriminalidad.
Ito ang ibinunyag ni Police Lieutenant Colonel Mark Gifter Sucalit, deputy provincial director for operations ng Cebu Police Provincial Office (CPPO) sa isang media forum.
Hindi ibinunyag ni Sucalit kung aling mga istasyon ng pulisya ang tinawag ngunit tiniyak niya sa publiko na ang mga istasyong iyon ay nabigyan ng timeline upang mapabuti batay sa matrix na sinusunod ng CPPO.
Hiniling din ng opisyal na huwag nang ungkatin ang mga detalye.
Idinagdag ni Sucalit na ang mga police station commander ay maaaring malagay sa peligro at posibleng matanggal sa kanilang mga tungkulin kung hindi sila gagawa ng mas mahusay.
Bilang deputy director for operations ng CPPO, sinabi ni Sucalit na ang 10 police stations ay ipinatawag para sa kanilang performance sa operasyon, intelligence, imbestigasyon, at community relations efforts.
