-- Advertisements --
Nilalapatan na ng lunas ang 10 biktima ng vehicular accident sa Occidental Mindoro.
Nangyari ang isidente bandang alas-5:30 ng umaga sa bayan ng Sablayan.
Nahulog pa sa bukiring bahagi ng naturang lugar ang Hi Ace van na kinalululanan ng mga biktima kaya matindi ring pinsala ang inabot ng sasakyan.
Agad namang sumaklolo ang rescue ambulance mula sa bayan ng Calintaan na siyang nagdala sa mga sugatan sa ospital.
Inaalam na kung nagkaroon ng kapabayaan sa panig ng driver, kaya humantong ito sa ganoong pangyayari.
Minabuti naman ng MDRRMO na huwag munang ilabas ang mga pangalan ng mga biktima habang nakikipag-coordinate pa sa kani-kanilang pamilya.
