10 water filtration system, tinanggap ng DSWD mula sa isang NGO

Tumanggap ang Department of Social Welfare and Development (DSWD) ng mga filtration kits mula sa isang non-government organization.

Mismong si DSWD Secretary Rex Gatchalian ang tumanggap sa mga naturang donasyon na binubuo ng sampung portable water filtration kits.

Ayon sa ahensiya, ang mga naturang donasyon ay ipapadala sa mga evacuation center sa mga komunidad sa bansa na mawalang maayos na access sa malinis na tubig.

Ang mga water filtration system ay may kakayahang tanggalin o salahin ang cholera, salmonella, E.Coli, at iba pang bacteria mula sa tubig.