11 hikers patay dahil sa pag-alburoto ng bulkan sa Indonesia

Natagpuang patay ang 11 katao malapit sa crater ng sumabog na bulkang Marapi sa Indonesia.

Ayon sa mga otoridad na mayroong 12 iba pang mga hikers ang naiulat na nawawala.

Aabot sa kabuuang 75 hikers ang naiulat na nasa lugar ng mangyari ang insidente kung saan karamihan sa kanila ay ligtas na inilikas.

Naglabas ng abo ang bulkan na may taas na 9,800 talampakan sa ere na nagdulot ng madilim na kapaligiran.

Patuloy ang ginagawang rescue operations ng mga otoridad para mahanap ang mga nawawalang hikers.