-- Advertisements --
Panibagong palaisipan sa fans nina Jessy Mendiola at Luis Manzano ang misteryosong pahiwatig ng mga ito para bukas, December 12.
Ito’y matapos kapwa nag-post ang magkasintahan ng maiksing video clip na kuha sa buhangin kung saan nakaukit ang petsang 12-12-20 bago inanod ng tubig-dagat.
May mga kinilig dahil sa hula na ikakasal na ang dalawa, ngunit may mga nagkantyaw din na baka naghihintay lang sa “12-12” online shopping sale.
Nitong Hunyo lang nang tuldukan ng 39-year-old TV host/actor at ng 28-year-old actress ang mga ispekulasyon na sila ay hiwalay na, matapos magdiwang ng kanilang fourth anniversary.
Unang lumutang ang isyung hiwalay na sina Mendiola at Manzano dahil sa nabigyang-malisya na post ni Jessy patungkol sa freedom o kalayaan.
