DAVAO CITY – Nanalo bilang third place ang 12-anyos at ang pinakabata na kasali sa Arena Grandmaster na si Christian Gian Karlo Arca ng Panabo City sa katatapos pa lamang na 2021 National Age Group Chess Championship sa ilalim ng Boys 12 and under division.
Si Arca ay may score na 8.5 points sa loob ng 11 rounds sa standard chess kung saan umabot ng isa at kalahating oras ang laro.
Kabilang nasabing torneyo ang top junior chess players.
Nabatid na ito rin ang ikatlong panalo ni Arca na isang Grade 6 student ng Panabo Central Elementary School SPED Center sa Panabo City, Davao del Norte.
Ayon pa kay National Chess Federation of the Philippines Assistant Executive Director for Northern and Central Luzon/International Arbiter Reden Cruz, na maliban sa cash prize, nakuha rin ni Arca ang Candidate National Master Title at dalawang mga National Master norms matapos ang nasabing kompetisyon.
