12 Palestino patay matapos na kunin sa dagat ang inihulog na tulong na pagkain

Patay ang nasa 12 Palestino matapos na sila ay malunod matapos na kunin ang inihulog na kahon ng mga pagkain sa karagatang bahagi ng Beit Lahia sa northern Gaza.

Idinadaan na lamang kasi sa air drop ng mga bansa ang kanilang mga tulong dahil sa isinara ng Israel ang mga border para daanan ng mga truck na magbibigay ng tulong sa mga Palestino.

Hindi naman malinaw kung anong bansa ang nagsagawa ng nasabing air drop.

Ang mga nagsasagawa kasi ng mga airdrop ay ang Egypt, Germany, United Kingdom, US, Singapore, Jordan at United Arab Emirates.