-- Advertisements --
Muli na namang nakapagtala ng bagong record high ang Amerika sa dami ng bagong COVID cases.
Ang panibagong record na 121,054 ay gitna na rin na abala ang lahat sa pag-aabang kung sino ang nanalo sa katatapos lamang na halala.
Ayon sa John Hopkins University ang naturang bilang ay ang pinakamataas sa loob ng isang araw mula nang magsimula ang pandemya.
Nitong nakalipas na araw ang pinakamataas ay noong November 4 na umabot sa 102,831.
Sa kabuuan ang mga COVID cases sa US ay mahigit na sa 9.9 million at ang death toll naman ay mahigit na sa 241,000.
