-- Advertisements --
ILOILO CITY – Nagpapatuloy ngayon ang ginagawang contact tracing matapos nagkahawaan ng COVID-19 ang mga guro sa bayan ng Igbaras, Iloilo.
Sa eksklusibong panayam ng Bombo Radyo Iloilo kay Igbaras, Iloilo Mayor James Esmeralda, sinabi nito na isang elementary school teacher sa nasabing bayan ang unang nagpositibo sa COVID-19.
Kaagad namang nagsagawang swab test sa mga high-risk close contacts ng titser maging si Mayor Esmeralda.
Dito ay nakumpirma na nagpositibo rin sa COVID-19 ang 12 iba pang titser.
Kasunod nito, isinailalim rin sa swab test ang 130 mga naka-close contact ng mga bagong COVID-19 positive na titser.
