13 patay sa pagkasunog ng nightclub sa Spain

Nasa 13 katao ang nasawi sa naganap sunog sa isang nightclub sa Murcia City sa Spain.

Nagmula ang sunog sa Fonda Milagros nightclub sa Atalayas area dakong alas-4 ng umaga.

Maraming mga biktima rin ang nasugatan na itinakbo na sa mga iba’t-ibang pagamutan.

Naniniwala ang mga otoridad na posibleng tumaas pa ang bilang ng mga nasasawi dahil sa dami ng mga sugatang biktima na nasa malubhang kalagayan.