Ipinagmalaking iniulat ng Department of Trade and Industry na nasa $14 billion investment pledges na nakuha mula sa Presidential foreign trips ni Pang. Ferdinand Marcos Jr sa nakalipas na 16 na buwan ay kasalukuyang naisasakatuparan na at nagpapalakas sa posisyon ng Pilipinas bilang pangunahing investment destination para sa mga dayuhang negosyo sa Asya.
Kapansin-pansin, na ang mga pagbisita ni Pangulong Marcos Jr. sa pangunahing bansa ay naging napakahalaga sa pagbuo ng seryosong interes sa pamumuhunan sa Pilipinas.
Batay sa datos ng DTI, as of December 2023, ang ahensiya ay nakapagtala ng $72.2 bilyon na pamumuhunan sa iba’t ibang yugto, na binubuo ng 148 na proyekto.
Kabilang sa mga ito, ang 46 na proyektong kinasasangkutan ng $14.2 bilyon ang naisagawa na- ibig sabihin, nagpapatakbo o natapos na ang proseso ng pagpaparehistro ng proyekto sa mga ahensya.
Ang mga pamumuhunang ito ay sumasaklaw sa iba’t ibang sektor, tulad ng pagmamanupaktura, IT-BPM, renewable energy, imprastraktura, transportasyon at logistik, agrikultura, at tingian.
Ayon kay DTI Sec. Alfredo Pascual ang manufacturing sector ang may pinaka malaking share sa nasabing proyekto.
Ang pinakamahalagang bansa bilang investment sources ay ang Japan na may katumbas na 21 proyekto at ang U.S. ay may 13 proyekto.
Samantala, ang mga dayuhang mamumuhunan ay nagsasagawa pa rin ng pre-implementation at pagpaplano ng mga aktibidad sa kani-kanilang mga bansa para sa natitirang 102 proyekto na kinasasangkutan ng $58 bilyon sa investment pledges.
Habang ang mga pagbisita ng pangulo ay mabisang mga plataporma para sa pagbuo ng mga pangako sa pamumuhunan, ang pagsasakatuparan ng mga proyekto ay nangangailangan ng walang humpay na follow-through at estratehikong pakikipagtulungan.
Sa pagkakaroon ng mga pamumuhunan, aanihin ng Pilipinas ang pangmatagalang benepisyo ng patuloy na paglago ng ekonomiya at paglikha ng trabaho.
“Our dedication to turning investment pledges into reality is unwavering. We also leverage each presidential visit as a springboard for building up a pipeline of investment opportunities and making the Philippines an investment destination of choice,” pahayag ni DTI Secretary Fred Pascual.
