15 arestado sa anti-drug ops sa Cavite

Nasa 15 katao ang inaresto sa magkakasunod na anti-drugs operations sa Bacoor City, Cavite.

Unang naaresto sa kaniyang bahay sa Barangay Molino ang target ng operasyon si alyas Ashly na nakuhanan ng 13,000 halaga ng hinihinalang shabu at isang 9mm na pistola.

Apat na iba pa ang naaresto sa Brgy. San Nicolas 1 at nakuha dito ang P60,000 halaaga ng droga.

Sa bahay naman ng isang target na si alyas Tere sa Brgy. Molino 2 ay nakuha ang P150,000 halaga ng hinihinalang shabu.

Aabot sa P300,000 ang halaga ng nakumpiska sa iba’t-ibang anti-drug operations ng PNP nitong Miyerkules ng gabi.