-- Advertisements --
ILOILO CITY – Napuno ng sigaw, kaba at iyak ang bisperas ng Pasko sa Zone 6, Barangay Boulevard, Molo Iloilo City dahil sa sunog kung saan 16 na mga bahay ang natupok.
Sa panayam ng Bombo Radyo Iloilo kay Punong Barangay Virgilio Villanueva, sinabi nito na sa 16 na mga bahay, isa ang partially burned at 15 ang totally burned.
Ayon sa kanya, 26 na pamilya ang apektado ng sunog kung saan nananatili sila ngayon sa evacuation center.
Ani Villanueva, pinaniniwalaang nag-umpisa ang sunog sa napabayaang niluluto na handa pa sana ng isang pamilya sa pasko.
Maliban sa sunog, dumagdag din sa problema ng mga residente ang ilan sa kanilang mga nasalba na gamit ang ninakaw umano ng mga taga ibang barangay.
