-- Advertisements --
ILOILO CITY- Nagpapatuloy ngayon ang contact tracing matapos nagpositibo sa Coronavirus disease 2019 (COVID-19) ang 16 na mga personnel ng Regional Operations Division ng Police Regional Office (PRO-6).
Sa panayam ng Bombo Radyo Iloilo kay Pol. Lt. Col. Joem Malong, spokesperson ng PRO VI, sinabi nito na kabilang sa mga nagpositibo ay si Police Lt. Adrian Acollador, pinuno ng nasabing tanggapan.
Naka-isolate na anya ang mga pulis kung saan ang iba sa kanila ay may mild symptoms.
Anya madalas na dumalo sa mga operasyon ang nasabing mga pulis dahilan upang mabilis silang nagkahawaan ng COVID-19.
