18-anyos na dalaga, arestado matapos magbenta at makuhanan ng iligal na droga

LAOAG CITY – Arestado ang isang babae sa isinagawang Anti-Illegal Drug Buy-bust Operation sa Brgy 17, Don Irwis San Francisco dito sa lungsod ng Laoag, matapos magbenta ng pinatuyong dahon ng marijuana.

Kinilala ang subject ng operasyon na si Mary Jane Tumbaga, 18-anyos at may anak.

Maliban sa kanyang ibinenta sa police posuer buyer ay nakuha pa mula sa kanya ang dalawang plastic sachet na naglalaman ng umano’y pinatuyong dahon ng marijuana, sanga at butil nito na nailagay sa case ng cellphone, isang-libong piso na na nagsilbing buy-bust money.

Hinggil dito ay tumangging magkomento ang dalaga tungkol sa naturang operasyon.

Samantala, nasa kustudiya na ng Philippine National Police dito sa lungsod ang babae.