19 patay sa pananalasa ng bagyong Molave sa Vietnam

Nasa 19 katao na ang patay habang marami ang nawawala sa pananalasa ng bagyong Molave sa Vietnam.

Labis na tinamaan ng bagyo ang karagatang bahagi ng Da Nang City kung saan nagdulot ng malakas na pag-ulan at hangin.

Pumalo sa mahigit 375,000 ang inilikas bago pa man dumating ang nasabing bagyo na may dalang lakas ng hangin na 145 kilometers per hour.

Magugunitang nagdulot din ng pinsala ang nasabing bagyo sa Pilipinas na tinawag na bagyong Quinta at may international name na Molave.