ROXAS CITY – Arestado sa ikinasang drug buy-bust operation ang lalaki na online na nagtutulak ng ilegal na droga dahil sa ipinapatupad na enhanced community quarantine sa Capiz.
Naaresto ng mga kasapi ng Station Drug Enforcement Team ng Roxas City Police Station sina Jomer Durana, 33; at Wilfredo Agudo, 29-anyos, sa kanilang operasyon sa Barangay Banica, Roxas City.
Nakuha sa kanila ang anim na sachets ng shabu, cellphone at P1,000 na marked money.
Ayon sa tagapagsalita ng Roxas City PNP na si Police Master Sergeant Ramil Arcangeles, online ginagawa ng mga suspek ang pagtutulak ng iligal na droga.
Gumagamit aniya ang mga ito ng mga group chats gamit ang ilang messaging application tulad ngayong umiiral ang enhanced community quarantine.
Nahaharap ang mga suspect sa kasong paglabag sa RA 9165 o Comprehensive Dangerous Drugs Act of 2002.
