KALIBO, Aklan – Arestado ang isang lalaki at isang babae matapos matuklasang nagtutulak at nagtatanim umano ang mga ito ng marijuana sa Talon Hills Housing Project sa Brgy. Talon, Altavas, Aklan.
Sa isinagawang buy bust operation na pinangunahan ng Provincial Drug Enforcement Unit (PDEU), narekober kay Jomar Dela Cruz, 27, ang isang sachet ng pinaghihinalaang pinatuyong dahon ng marijuana kapalit ng P500 na buy bust money.
Sa naturang operasyon, narekober din ang 13 tanim na marijuana na pagmamay-ari umano ng kapitbahay nito na si Rea Rapizora, 18, residente rin ng nasabing lugar.
Ang dalawa ay nasa kustodiya ngayon ng Altavas Police Station habang hinihintay pa ang resulta ng kanilang laboratory test.
Nahaharap ang mga suspek sa kasong paglabag sa Republic Act No. 9165 o Comprehensive Dangerous Drugs Act of 2002.
