2 bata, sugatan nang mabundol ng kotse sa CamSur

NAGA CITY – Sugatan ang dalawang bata matapos mabundol ng isang kotse ang isang bisikleta sa Brgy. Mambulo Nuevo, Libmanan, Camarines Sur.

Nagbibisikleta umano ang isang siyam na taong gulang na bata kaangkas ang isa pang 10-anyos na bata nang mabunggo ang mga ito ng nakasunod na kotseng minamaneho ni Jose San Buenaventura, 41, isang negosyante.

Bunsod nito, natumba sa kalsada ang dalawang bata na nagtamo ng pinsala sa kanilang katawan at agad namang nadala sa ospital.

Nagpapatuloy naman ngayon ang imbestigasyon ng pulisya sa pangyayari.