CAUAYAN CITY – Inaresto ng mga kasapi ng Angadanan Police Station ang dalawang binata na nagtutulak ng illegal na droga sa isinagawang drug buy bust operation sa Purok 1 Dalakip, Angadanan, Isabela
Ang inaresto ay sina Jerome Caranay, 22 anyos at Romnick Acojido, 24 anyos, kapwa residente ng San Antonio, Delfin Albano, Isabela.
Sa nakuhang impormasyon ng Bombo Radyo Cauayan sa Isabela Police Provincial Office, nagsagawa ang mga kasapi ng Angadanan Police Station ng drug buy bust operation na nagresulta sa pagkakaaresto ng mga suspek matapos bentahan ng isang pakete ng hinihinalang shabu ang pulis na nagsilbing a poseur buyer sa halagang P1,000,00.
Nang kapkapan ang mga suspek ay nakuha pa sa pag-iingat ni Acojido ang dalawang pakete ng hinihinalang shabu.
Nasa lock up cell na ng Angadanan Police Station ang mga pinaghihinalaan na nahaharap sa paglabag sa Republic Act 9165 (Comprehensive Dangerous Drugs Act of 2002).
