2 binatilyo patay sa vehicular accident sa Maguindanao Del Norte

CENTRAL MINDANAO-Binawian ng buhay ang dalawa katao sa vehicular accident sa lalawigan ng Maguindanao Del Norte.

Nakilala ang mga nasawi na sina Salbin Lumenda 17 anyos at Wakay Diocolano 15 anyos.

Ayon sa ulat ng pulisya na lulan ang mga biktima ng motorsiklo at nag-overtake sa bahagi ng Sitio Fatima Barangay Tamontaka Datu Odin Sinsuat Maguindanao Del Norte nang bumangga ito sa kasalubong na Toyota pickup at tumilapon pa sa Ford Raptor sa magka-convoy na mga sasakyan.

Patay on the spot si Lumenda habang naisugod pa si Diocolano sa Pagamutan ngunit dineklarang dead on artrival ng mga doktor.

Sa ngayon ay nagpapatuloy ang imbestigasyon ng Datu Odin Sinsuat PNP sa naturang pangyayari .