ROXAS CITY – Huli ang dalawang drug personalities sa isinagawang drug buybust operation ng Provincial Drug Enforcement Unit (PDEU) sa Barangay Bolo, Roxas City.
Kinilala ang mga suspek na sina Francis Villaranda, 26, ng Barangay Punta Tabuc, Roxas City at John Kelly Depiedra, 18, ng Barangay Bolo, Roxas City.
Ayon kay PDEU team leader Lt. Col. Julius Balano, matagal na nilang isinailalim sa monitoring ang suspek na si Villaranda ngunit nahuli ito matapos kumukuha ng suplay ng droga kay Depiedra nang magsagawa ng operasyon ang mga pulis.
Mariin naman pinabulaanan ng mga suspek na nagtutulak sila ng iligal na droga.
Samantala narekober sa mga suspek ang apat na sachets ng pinaniniwalaang shabu, P1,000 na marked money, tatlong unit ng cellphone at mga drug paraphernalia.
Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang mga arestado.
