VIGAN CITY – Dalawang drug suspect ang nahuli sa isinagawang magkahiwalay na buy bust operation sa lalawigan ng Ilocos Sur.
Sa Barangay Paing, Bantay ay nahuli ng mga otoridad si Liberato Lucero, 25-anyos.
Nakuha mula sa suspek ang limang sachet ng shabu, isang libong piso at buy bust money.
Sa Barangay Capangpangan, Vigan City naman ay nahuli rin si Jonalyn Tagal, 39-anyos na maituturing Street Level Individual.
Nakuha mula sakanya ang isang cellphone, dalawang piraso ng heat sealed transparent plastic sachet ng hinihinalang shabu, isang piraso ng PHP1K bill, candy wrapper at isang candy.
Tinatayang may bigat na .5 gramo na may halagang PHP3,000 ang mga nakumpiskang ebidensya mula sa suspek.
Nasa kamay na ngayon ng mga otoridad ang dalawang suspek upang harapin ang kasong paglabag sa RA 9165 o Comprehensive Dangerous Drugs Act of 2002.
