-- Advertisements --
CEBU CITY – Patay ang dalawang drug suspek matapos manlaban sa mga operatiba ng Regional Drug Enforcement Unit (RDEU-7) sa isinagawang buy bust operation sa south road properties sa lungsod ng Cebu kagabi.
Tinangka pa sanang takasan ng dalawa ang mga otoridad kaya may naganap na habulan at pakipagpalitan ng putok na humantong sa pagkabaril-patay ng isang Michael Jonhnlery Olid, 29, at Arnel Degulacion, 42, parehong residente ng Talamban sa lungsod.
Narekober pa sa ginamit na sasakyan ng mga ito ang bulto-bultong shabu na tinatayang umabot sa dalawang kilo.
Inilarawan pa ng mga operatiba na tauhan umano ang mga ito ng isang Ronald Aparecio Natividad alyas Dodong Toldo na kasalukuyang nakakulong sa Zamboanga Penal Colony.
