LAOAG CITY – Patay ang dalawang estudyante matapos silang bumangga sa puno ng eucalyptus sa Brgy. Suyo sa bayan ng Dingras dito sa lalawigan ng Ilocos Norte.
Ayon kay PMaj. Norman Pentang, ang Hepe ng Philippine National Police sa nasabing bayan, ang mga biktima ay kapwa lalaki at residente ng Dingras.
Aniya, ang isa sa kanila ay idineklarang dead on arrival sa ospital habang ang isa naman ay namatay habang nilalapatan ng lunas sa ospital.
Paliwaang niya, naka-helmet ang dalawang biktima ngunit hindi nila ito suot.
Binanggit niya na hindi sila nakasuot ng high visibility vest nang mangyari ang aksidente na isa sa mga mahigpit na ipinapatupad na ordinansa.
Batay aniya sa pakikipag-usap niya sa mga pamilya ng mga biktima, pinagbantaan nila ang mga ito na huwag nang magmaneho ng motorsiklo dahil lasing ang mga ito.
Idinagdag niya na ito ay tila humantong sa kanila na mawalan ng kontrol sa manibela hanggang sa mabangga nila ang puno ng eucalyptus.
