CENTRAL MINDANAO-Isang sibilyan ang nasugatan sa sagupaan ng dalawang grupo sa lalawigan ng Maguindanao Del Norte.
Nakilala ang nasugatan na si Edna Pablo Orbano,65 anyos,may asawa at residente ng Datu Odin Sinsuat Maguindanao Del Norte.
Ayon kay DOS Chief of Police Lieutenant Colonel Nelso Madiwo na muling nagka-engkwentro ang grupo nila dating Brgy Bugawas Datu Odin Sinsuat Chairman Mohaimin Abas alyas Kap Baba at Brgy Kapitan Eden Mantawil ng Barangay Sapalan.
Lumikas ang ilang pamilya sa hangganan ng Brgy Bugawas at Brgy Sapalan sa takot na maipit sa gulo.
Matatandaan na ilang beses nang nagkasagupa ang dalawang grupo na kapwa mga myembro ng MILF at MNLF.
Sa ngayon ay patuloy ang pagsisikap ng LGU-DOS na maresolba ang bangayan ng naglalabang grupo.
