KORONADAL CITY – Nasawi ang dalawang umano’y gun runner sa nangyaring shootout sa bayan ng Polomolok, South Cotabato.
Kinilala ang mga nasawi na sina Christian Dave C. Demafeliz at Robby Jay A. Arino kapwa residente ng Purok Maunlad, Barangay Silway 8, Polomolok, South Cotabato.
Sa panayam ng Bombo Radyo Koronadal kay Police Lt. Redin Cuevas, deputy chief of police ng Polomolok PNP, nakatanggap sila ng report mula sa isang concerned citizen na may mga taong nagtatago ng mga high powered firearms kaya’t nagsagawa sila ng operasyon.
Ngunit sa halip na sumuko ang mga ito ay nanlaban umano ang dalawang suspek na nagresulta sa shootout na ikinamatay ng mga ito.
Narekober sa mga suspek ang 11 high powered fire arms at mga sachet ng pinaniniwalaang shabu.
Sa ngayon, nagpapatuloy ang imbestigasyon ng mga otoridad sa grupong posibleng kinasasangkutan ng mga ito.
