2 hinihinalang drug personality na nag-o-operate sa Central Luzon at NCR patay sa operasyon

DAGUPAN CITY – Patay ang dalawang drug personality na pinaniniwalaang nag ooperate sa Central Luzon at National Capital Region (NCR) matapos umanong manlaban sa buy bust operation sa San Jose City, Nueva Ecija.

Kinilala ang isang suspek na alyas Tsekwa habang patuloy pang inaalam ang pagkakakilanlan ng isa.

Sa nakalap na impormasyon ng Bombo Radyo Dagupan, isinagawa ang operasyon sa Barangay Abar 1st laban kay Tsekwa.

Aarestuhin na sana ang suspek matapos ang transaksiyon pero bumunot umano ito ng baril at pinaputukan ang kapulisan.

Napilitan umano ang mga pulis na paputukan ang mga suspek na dahilan sa kanilang pagkamatay.