2 huli sa drug raid sa Roxas City

ROXAS CITY – Arestado ang dalawang katao sa isinagawang drug buy bust operation ng Station Drug Enforcement Team ng Roxas City Police Station sa Barangay 5, Roxas City.

Kinilala ang mga naaresto na sina Jessie Abangco, 33, ng Barangay Milibili, at Viviana Aniera, 58.

Narekober sa mga suspek ang 13 sachets ng pinaniniwalaang shabu at P1,000 na marked money.

Sa ngayon ay nakaaresto na ang dalawa sa Roxas City Police Station at nakatakdang sampahan ng kasong paglabag sa Republic Act 9165 o Comprehensive Dangerous Drugs Act of 2002.