CENTRAL MINDANAO-Patay on the spot ang dalawang kolektor ng pautang sa pamamaril sa lalawigan ng Maguindanao Del Sur.
Nakilala ang mga biktima na sina Ninonel Bentoy,28 anyos at Carl Denilla, 20,mga residente ng Pikit Cotabato.
Ayon kay Datu Salibo Chief of Police Major Roldan Kuntong na lulan ang mga biktima sa isang motorsiklo na galing sa pangongolekta ng bayad sa kanilang pautang sa Barangay Sambulawan sa bayan ng Datu Salibo Maguindanao Del Sur.
Ngunit sa pagsapit nila sa bahagi ng Barangay Pagatin Datu Salibo ay bigla silang dinikitan ng riding in tandem suspects at pinagbabaril gamit ang kalibre.45 na pistola at 9mm pistol.
Mabilis namang tumakas ang mga salarin tangay ang motorsiklo at perang koleksyon ng mga biktima.
Agad binawian ng buhay ang dalawang kolektor na kapwa nagtamo ng tama ng bala sa kanilang ulo.
Ang mga biktima ay nagpapautang ng mga gamit sa bahay tulad ng plasticwares, sofa at iba pa.
Sa ngayon ay nagpapatuloy ang imbestigasyon ng Datu Salibo PNP sa pamamaril patay sa mga biktima.
