ROXAS CITY – Binawian ng buhay ang dalawang magsasaka matapos pi-nagsasaksak ng kapwa magsasaka sa Purok 2, Barangay Janguslob bayan ng Dumarao.
Kinalala ang mga biktima na sina Robert Bibat at Leogen Fresnido habang ang suspek ang kinilala na si Rolando Delojo Jr., kapwa residente ng nasabing lugar.
Sa panayam ng Bombo Radyo Roxas kay Police Major Christopher Candelario, hepe ng Dumarao Municipal Police Station sinabi nito na habang nag-iinuman ang mga biktima malapit sa ihawan, biglang dumating ang suspek at sinaksak si Fresnido.
Inawat pa ito ni Bibat subalit pinagsasaksak din ito ng suspek sa iba’t-ibang parte ng katawan.
Dinala pa sa ospital ang mga biktima subalit dineklarang dead on arrival ng doctor.
Matapos ang krimen, mabilis na tumakas si Delojo subalit nahuli din ito sa pamamagitan ng hot pursuit operation ng kapulisan.
Isasailalim naman sa post-mortem examination ang bangkay ng mga biktima.
Pahayag ni Candelario, hindi pa matiyak kung ano ang motibo ng suspek sa pagpatay sa dalawang biktima.
Napag-alaman na nasa impluwensya ng alak ang suspek ng nangyari ang krimen.
