2 mambabatas ng US hindi papayagan makapunta sa Israel

Tuluyan ng hindi papapasukin sa Israel ang dalawang mambabatas ng US.

Kasunod ito sa pahayag ni US President Donald Trump na pagbawalang makapasok sina Minnesota Representative Ilhan Omar at Michigan Rep. Rashida Tlaib.

Ang dalawang mambabatas kasi ay sumuporta sa pag-boycott sa Israel.

Bilang kilalang malapit na kaibigan ni Israel Prime Minister Benjamin Netanyahu si Trump ay nag-Tweet ito na maaaring magpakita ng kahinaan sa Israel sakaling payagang makadalaw sa kanila ang dalawang mambabatas.

It would show great weakness if Israel allowed Rep. Omar and Rep.Tlaib to visit. They hate Israel & all Jewish people, & there is nothing that can be said or done to change their minds. Minnesota and Michigan will have a hard time putting them back in office. They are a disgrace!

— Donald J. Trump (@realDonaldTrump) August 15, 2019

Makailang beses na ring binatikos ng dalawang mambabatas si Trump dahil sa pagiging racist nito.

Nakatakda sana bumisita ang dalawang mambabatas sa darating na Linggo sa ilang lugar sa bansa gaya ng sa Bethlehem, Ramallah at Hebron.